NEWSLETTER - AGOSTO DE 2025
¡Ola a todos!
Aquí tedes a oitava edición da newsletter.
-
AS VACANTES DE EMPREGO CAEN EN ESPAÑA DESPOIS DE CINCO TRIMESTRES
As vacantes de emprego en España retrocederon por primeira vez en máis dun ano, tras cinco trimestres de crecemento. Segundo Eurostat, a taxa caeu do 0,9 % ao 0,8 % no segundo trimestre de 2025, situando o país entre os de menor nivel de vacantes da Unión Europea, xunto a Romanía e Polonia.
O Banco de España advirte de que o 42,9 % das empresas seguen tendo problemas para contratar, especialmente en sectores como a agricultura, a construción e a hostalaría. Mentres o Ministerio de Traballo atribúe a caída a unhas condicións laborais que seguen sen resultar atractivas, os empresarios alertan de que a falta de man de obra cualificada e o envellecemento da población agravan a situación.
O SEPE apunta ademais á lenta homologación de títulos estranxeiros como un obstáculo que dificulta a incorporación de traballadores. En conxunto, estes factores poñen de manifesto que o retroceso das vacantes non responde só á conxuntura, senón a desequilibrios estruturais no mercado laboral español.
Le máis en
2. A DEBA PÚBLICA DE ESPAÑA ALCANZA UN RÉCORD DE 1,69 BILLÓNS DE EUROS, PERO BAIXA AO 103,4 % DO PIB
A débeda pública de España alcanzou en xuño de 2025 un novo máximo histórico de 1,69 billóns de euros, segundo os datos publicados polo Banco de España. Malia o incremento absoluto, a ratio débeda/PIB reduciuse ata o 103,4 %, case dous puntos menos que hai un ano, grazas ao crecemento económico e á recuperación da actividade tras a crise inflacionaria.
O Tesouro insistiu en que esta evolución confirma que a senda de consolidación fiscal é compatible co financiamento de investimentos clave. Non obstante, os analistas advirten de que o volume total de débeda segue sendo moi elevado, o que obriga a manter unha estratexia prudente nun contexto de tipos de interese aínda altos e tensións internacionais.
A Comisión Europea, pola súa banda, lembra que España deberá seguir axustando o seu déficit estrutural para garantir a sostiñibilidade a longo prazo. Cun débeda que supera de forma ampla o limiar do 60 % fixado no Pacto de Estabilidade, o reto será equilibrar a disciplina fiscal coa necesidade de soster o crecemento e a cohesión social.
Le máis en
3. TRUMP LANZA ARANCEIS INÉDITOS: SOCIOS GLOBAIS COMO EU, XAPÓN E TAIWÁN AFECTADOS
A administración Trump anunciou o 6 de agosto de 2025 a imposición de aranceis sen precedentes sobre importacións procedentes de varios dos seus principais socios comerciais. A medida afecta á Unión Europea, Xapón, Taiwán e Suíza, con gravames que nalgúns casos chegan ao 39 %, marcando un endurecemento da política proteccionista estadounidense.
Segundo a Casa Branca, os aranceis buscan protexer a industria nacional e reducir a dependencia de produtos estranxeiros en sectores estratéxicos como a automoción, a electrónica e a farmacéutica. Sen embargo, economistas e gobernos afectados advirten de que esta decisión pode desencadear unha escalada de represalias comerciais e xerar maior inestabilidade nos mercados globais.
Os analistas destacan que se trata dos aranceis máis altos aprobados nun século por Estados Unidos e que o seu impacto podería frear o comercio internacional, alterar cadeas de subministro e presionar a inflación en varios países. A Unión Europea sinalou que estudará responder de forma coordinada, mentres a Organización Mundial do Comercio advirte do risco dunha nova guerra comercial global.
Le máis en
4. CHINA ENÍA UN ENVIADO COMERCIAL A EE.UU. TRAS TREGOA ARANCELARIA TEMPORAL
China enviou a finais de agosto de 2025 ao seu principal negociador comercial, Li Chenggang, a Washington para manter reunións coa administración estadounidense. Aínda que non se trata dunha negociación formal, a viaxe chega nun momento de gran tensión tras a imposición de novos aranceis e a prórroga dunha tregoa de 90 días.
As conversacións teñen como obxectivo manter abertos as canles de diálogo e reducir a incerteza nos mercados internacionais. Os aranceis actuais, do 30 % sobre produtos chineses e do 10 % sobre bens estadounidenses, afectan a sectores clave como a tecnoloxía, a automoción e a maquinaria pesada, con risco de interromper cadeas globais de subministro.
Fontes diplomáticas sinalan que Pequín busca gañar tempo mentres avalúa as súas próximas medidas, nun contexto marcado pola presión de Washington e as demandas internas de manter o crecemento económico. Os analistas coinciden en que esta visita reflicte a necesidade de evitar unha escalada inmediata, aínda que non garante unha solución estable a medio prazo.
Le máis en