NEWSLETTER - XULLO DE 2025
Ola a todos!
Aquí tedes a sétima edición da newsletter.
-
BROADCOM CANCELA A CONSTRUCIÓN DUNHA PLANTA DE MICROCIPS EN ESPAÑA
Broadcom cancelou o seu proxecto de construír unha fábrica de microchips en España tras romperse as negociacións co Goberno. O plan, anunciado en 2023, contemplaba un investimento de 1.000 millóns de dólares e unha planta única en Europa, con respaldo do Executivo e vinculada ao Perte Chip.
As conversacións estancáronse durante meses, sen avances tras a substitución de José Luis Escrivá por Óscar López á fronte do Ministerio de Transformación Dixital. A pesar de intentos previos por situar a planta, incluso en Zaragoza, o proxecto foi finalmente descartado.
Fontes sinalan que a chegada de Donald Trump á Casa Branca empeorou o clima para investimentos estadounidenses en Europa, tombando tamén outra iniciativa para fabricar chips en España con participación pública.
Ler máis en
2. ARANCEIS DE EE. UU. AMEAZAN 22.700 M € EN EXPORTACIÓNS ESPAÑOLAS
España podería verse afectada por aranceis de EE. UU. que impactarían directamente 15.100 millóns en exportacións e ata 22.700 millóns se se suman efectos indirectos, segundo Carlos Cuerpo. A nivel europeo, o volume afectado supera os 380.000 millóns. Sectores como o do aceite de oliva destacan pola súa alta exposición ao mercado estadounidense.
O Goberno estima que o impacto no PIB español en 2025 sería dunha décima. Cuerpo alertou sobre a crecente incerteza global, que frea decisións de investimento e consumo. Aínda así, o FMI revisou á alza o crecemento de España ata o 2,5% para 2025.
Cuerpo pediu non confiarse coas negociacións e prepararse para un escenario sen acordo con EE. UU. Recalcou a necesidade de fortalecer o mercado interior e diversificar alianzas comerciais, impulsando tratados como o de Mercosur.
Ler máis en
3. CUME CHINA UE EN PEQUÍN PARA REFORZAR RELACIÓNS COMERCIAIS E PALIAR TENSIÓNS GLOBAIS
China e a Unión Europea celebrarán esta semana en Pequín unha cume de alto nivel con motivo do 50 aniversario de relacións diplomáticas. Participarán o presidente chinés Xi Jinping, o primeiro ministro Li Qiang, e os líderes europeos Ursula von der Leyen e Antonio Costa. O encontro busca fortalecer lazos no medio de crecentes tensións comerciais globais, especialmente ante as friccións entre China e EE. UU.
As relacións entre China e a UE sufriron altibaixos nos últimos anos, con sancións mutuas dende 2021 e disputas sobre vehículos eléctricos, brandy, carne de porco ou terras raras. Aínda así, ambas as partes subliñan a madurez do seu vínculo e a necesidade de cooperación ante os desafíos globais.
Von der Leyen criticou a sobreprodución chinesa e a súa falta de apertura comercial, pero tamén chamou a reforzar o sistema multilateral. China, pola súa banda, espera manter unha relación estable coa UE, vista como socio, competidor e rival sistémico á vez.
Ler máis en
4. O BCE SUSPENDE O SEU CICLO DE REBAIXAS DE TIPOS DEBIDO Á VOLATILIDADE DO EURO E AMEAZAS ARANCELARIAS
O Banco Central Europeo (BCE) mantén o seu plan de pausar as rebaixas de tipos de interese a próxima semana, a pesar da ameaza de Donald Trump de impor un arancel do 30% ás importacións da UE. Aínda que esta medida supera os escenarios negativos contemplados polo BCE en xuño, os gobernadores prefiren esperar ata setembro para tomar decisións.
Os analistas cren que, se se aplican finalmente os aranceis, o BCE respondería cunha baixada de tipos. Barclays estima que unha taxa media do 35% reduciría en 0,7 puntos o crecemento da eurozona e forzaría unha rebaixa do tipo de depósito ata o 1% en marzo de 2026.
As proxeccións do BCE prevían un crecemento gradual con inflación próxima ao 2%. Sen embargo, en escenarios alternativos con aranceis do 20%, o crecemento caería un punto porcentual e a inflación baixaría ao 1,8% en 2027.
Ler máis en